Ë RIBÖTYÖ RÖ BÓITTA Ë BIKÖMÈ

N ka sa ó böatta wá bátyö
A bo ba ná esibo bulëtúllá.
Há la na a nné bi pèle ó ë billò
Ë yö wéa wa mamöóte.
Ö böiè ë Bikömè a a tópio,
Ö böiè ë Bikömè mbwáam.
KaanÉkassö lë Riötyí la Mbëbittá,
Bè ammaa mba sérò anna.
Ënokonokko ë kásöra battó bábò,
A batyapotyapo bábò bákio,
Ö bötattá wábò bó hèríò ríbëtté,
Ënokonokko é a ra á bómma
Ö bötyö bö ötya
Kó böiè ë Bikömè.
Ëlò kélëppé ái:
Ë rálò? Ö bötébbá? I pi o?
Ërutta ö bóiè ë Bikömè
Òkí lóttö lullé, la lölló lúllë
La bënnè bié bëttá;
Ënokonokko é púrö rííë
Kénokonokko a bárannó.
Ënokonokko òki erállo
Erállò á lóttö, la bötébbá, la pi o;
Ë biubbé biá bátyö bë tyáróöm,
Ë tyaróöm élo a bí o
Ëë rípotto wélla rë Málabbo.
Mpári ënokonokko ehötótó
É a rëyé Esási Eweera, Lèllò,
Ënokonokko a bárannó
Ë rëyó böitta ë Bikömè.
Tö tápánë siatta sénokonokko
Alo é a wëíllá.