Ö WALÁLLO HÈ BÖTYÖ

Nö á lösissi.
Nö ó lösissi luébari,
Ëbari no lokiébi o:
Hè bötyö ö walállo! Ká bè?
Ö puréi lë hué lá bi ó,
Ö sëlèsò kokobia Wáaè, ö púréi;
Ö le hátyibianna,
Ö le réi, no réi;
No työtyóbia, wáaè
Ö walállo hè bötyö! Ká bè?
Se wé hmmère,
Ekállè tyállo.
Nö á lösissi lèllò.
Ö la bóo?
No èkka la lösissi
Kóri n ka ba tyíla o,
Ebéló,
N hörá ó leki hnná
Tuèkerö löetyi luë ísilo ráó.
Nö á lösissi.
Ö lösisim ló láa rubba
Kóri nno tyótyobia Wáaè,
Ö walállo hè bötyö:
E búla wésa á!
Hè bötyö hállo, a lo èkka.
Në bötyö nne, no èkka
Nö ó lösissiò.